АСТАНА, 22 қараша – Sputnik. Ақтөбе облысында жол апатынан 7 адам мерт болды, деп хабарлайды ішкі істер министрлігінің баспасөз қызметі.
Жол апаты бүгін, 22 қарашада Мұғалжар ауданы Елек ауылының жанындағы Ақтөбе - Астрахань автожолында болды.
ВАЗ-2114 көлігінің жүргізушісі қосалқы жолдан шығып келе жатып, басты жолда келе жатқан Lada Largus автокөлігімен соқтығысқан. Lada қарсы бағыттағы Kia Sorento көлігімен соқтығысты.
Апат салдарынан Lada Largus автокөлігінің жүргізушісі мен 4 жолаушы сол жерде, тағы екеуі ауруханада көз жұмды. Kia автокөлігінің 4 жолаушысы дене жарақатын алды.