АСТАНА, 8 қараша – Sputnik. Сәтбаев қаласында "Шапито" циркінің 18 жастағы әртісі көз жұмды. Полиция тергеу шараларын бастады, деп хабарлайды Sputnik Қазақстан.
Әлеуметтік желіде тараған мәліметке сәйкес, Мария Кацунның денесін әріптестері тапқан. Ол "Шапито" циркінің құрамында Сәтбаев қаласына гастрольмен барған.
Ұлытау облыстық полиция департаменті жас қыздың қайтыс болғанын растады. Қазіргі кезде қалалық полиция Қылмыстық кодекстің 105-бабы ("Өзін-өзі өлтіруге дейін жеткізу") бойынша сотқа дейінгі тергеу шараларына кірісті.
Қажетті сараптамалар жүргізіледі. Соның нәтижесінде процессуалдық шешім қабылданады.