АСТАНА, 6 қараша - Sputnik. Олимпиадалық резерв мектебінің балалары 18-20 қараша аралығында өтетін Астана чемпионаты қарсаңында жаттығуға арналған залсыз қалдық деп шағымданды.
Спортшылардың ата-аналары мемлекет басшысы жариялаған Балалар жылында гимнасшылардың Тәуелсіздік сарайында жаттығуы залын тартып алғанына наразылық білдірді. Астана әкімдігі 2021 жылы сараймен жалға беру шартын жасаған.
"Astana Venue Management" ЖШС жаттығу жағдайын жақсарту үшін Тәуелсіздік сарайының ғимаратында еденді ауыстыру жұмыстары жоспарланғанын хабарлады. Ол жұмыстар шамамен 20 желтоқсанға дейін жалғасады.
"Жұмыс аяқталғаннан кейін Тәуелсіздік сарайында жұмыс жалғастырылады", - деп түсіндірді компаниядағылар.
Өз кезегінде Астана қаласының дене шынықтыру және спорт басқармасы жаттығу жүргізуге қолайлы орын іздеу жұмыстарын жүргізді.
"Елордалық гимнасшылардың жаттығулары жыл соңына дейін "Сарыарқа" велотрегінде өтеді. Велотректегі сабақтар 7 қарашада басталады", - деп мәлімдеді ведомстводағылар.