АСТАНА, 5 қараша – Sputnik. Жетісу облысында Volvo жүк көлігі мен Mitsubishi Pajero көліктерінің соқтығысуынан бір адам көз жұмды.
Оқиға орнында түсірілген видео әлеуметтік желіде жарияланды. Видеода жүк көлігі жол талғамайтын көлікті басып қалған. Полиция оқиғаның 4 қарашада Пафилов ауданының әкімшілік орталығы Жаркент қаласында болғанын нақтылады.
Белгілі болғандай, жол апатынан джиптің 50 жастағы жолаушысы қайтыс болды, оның жүргізушісі ауруханаға жеткізілді.
"Алдын ала анықталғандай, 37 жастағы Mitsubishi Pajero жүргізушісі Конаев-Ходжамьяров көшелерінің қиылысында тыйым салынған бағдаршам белгісін елемей, соның салдарынан Volvo жүк көлігімен соқтығысқан", - деп хабарлады Жетісу облыстық полиция департаментінің баспасөз қызметі.
Ведомство ақпаратынша, қос көлік қазір арнайы тұраққа қойылған. Жол апатына қатысты тергеу басталып, сараптамалар тағайындалды.