АСТАНА, 31 қазан – Sputnik. Орталық сайлау комиссиясы тарихшы Дмитрий Легкийді Қазақстан парламенті мәжілісінің депутаты етіп тіркеді.
Депутаттың бос мандаты "Қазақстан халық партиясы" қоғамдық бірлестігінің мүшесіне табысталды, деп хабарлады Орталық сайлау комиссиясының ресми сайты.
2022 жылдың 22 қазанындағы қаулыда былай деп жазылған:
Қазақстан парламенті мәжілісі депутатының бос мандаты "Қазақстан халық партиясы" қоғамдық бірлестігінің мүшесі Дмитрий Максимович Легкийге берілсін.
Дмитрий Максимович Легкий Қазақстан парламенті мәжілісінің депутаты болып тіркелсін.
Дмитрий Максимович Легкийге белгіленген үлгідегі тиісті куәлік пен омырауға тағатын белгі тапсырылсын.
Айта кетері, Дмитрий Легкий 1957 жылы дүниеге келген. Қостанай педагогикалық институтын "Тарих" мамандығы бойынша бітірген. 2008 жылдан бастап "Қазақстан халық партиясының" мүшесі. Көптеген мемлекеттік және халықаралық награданың иегері, білім беру саласында бай тәжірибесі бар. Ол –ғылыми және әдеби еңбектердің авторы.