АЛМАТЫ, 27 қазан – Sputnik. Қазақстанда 11 өңірлік оператор Halyk Market платформасы арқылы көмірді саудаға шығарды.
Индустрия және инфрақұрылымдық даму министрлігі жергілікті атқарушы органдармен бірлесіп Halyk Market платформасына операторларды қосу бойынша жұмысты жалғастырып жатыр, деп хабарлайды ведомствоның баспасөз қызметі.
Жеті облыстың тұрғындары әлеуметтік көмірді банктің мобильді қосымша арқылы сатып ала алады. Жаңа пилоттық жобаға Қызылорда, Жамбыл, Павлодар, Қостанай, Қарағанды, Солтүстік Қазақстан облыстары мен Алматы қаласы қосылды.
"Halyk Homebank қосымшасы арқылы Halyk Market бөлімінде көмірді сату нүктесін, қажетті маркасы мен көлемін таңдап, онлайн-төлем жасауға немесе тауарды 3 айдан 6 айға дейін бөліп төлеуге болады. Аталған заманауи шешім қатты отынды тікелей көмір тұйығынан кезексіз сатып алуға әрі жылыту маусымына дайындықты айтарлықтай жеңілдетуге мүмкіндік береді", - делінген хабарламада.
Интернет арқылы сатып алынған көмірдің сапасы көңілден шықпаған жағдайда сатып алушылар тауарды қайтарып беруге құқыл.
Жүктелетін көмірдің сапасына көз жеткізгеннен кейін тұрғындар қатты отынды өздеріне ыңғайлы уақытта алып кете алады.