АСТАНА, 17 қазан – Sputnik. Мәскеу мэрі Сергей Собянин осы дүйсенбіде Мәскеуде мобилизациялау жұмыстары аяқталғанын және майданға шақырылған адамдарды қабылдау орындарының жабылғанын хабарлады.
"Мәскеу әскери комиссарының ақпараты бойынша, президент жарлығы мен қорғаныс министрлігінің тапсырмалары негізінде белгіленген ішінара мобилизациялау бойынша тапсырмалар толығымен орындалды. Мобилизацияланғандарды қабылдау орындары 2022 жылдың 17 қазанында сағат 14:00-де жабылды. Мобилизация барысында тұрғылықты жері мен кәсіпорындарға жіберілген шақыру қағаздары өз күшін тоқтатады", - деп жазды Собянин өз блогында.
Оның айтуынша, "мобилизация әкелері, күйеулері мен ұлдары бүгінде әскерге аттанатын мыңдаған мәскеулік отбасы үшін үлкен сынаққа айналды".
21 қыркүйекте Ресей президенті Владимир Путин елде ішінара мобилизациялау басталғаны туралы жариялап, сол күні тиісті жарлыққа қол қойды.