АЛМАТЫ, 17 қазан - Sputnik. Ақмола облысы Ақкөл қаласында жол апаты болды. Салдарынан полиция бөлімінің тергеушісі қаза тапты, деп хабарлайды Polisia.kz.
Оқиға 17 қазан күні сағат 02.00 шамасында болған.
"Toyota Carina" маркалы автокөліктің жүргізушісі рөлге ие бола алмай, "Seat Alhambra" маркалы автокөлікпен соқтығысқан. Апат салдарынан жүргізуші оқиға орнында қайтыс болып, тағы 4 жолаушы ауруханаға түсті",- деп хабарлайды полиция мамандары.
"Seat Alhambra" маркалы автокөліктің жүргізушісі зардап шеккен жоқ.
Осы факті бойынша ҚР ҚК 345-бабы 3-бөлігі бойынша сотқа дейінгі тергеу жүргізіліп жатыр.
Сондай-ақ ведомство жол апаты қызметтен тыс уақытта, полиция қызметкерінің жеке автокөлігімен орын алғанын айтады.