АЛМАТЫ, 14 қазан – Sputnik. Алматыда Elmedia редакциясының кеңсесіне шабуыл жасалды. Қалалық полиция департаменті ақпаратты растады, деп хабарлайды Sputnik Қазақстан.
Редакцияың аты жазылған тақтайшаны қиратып, әйнектерін шағып кеткен.
"Тексеру іс-шараларын Бостандық ауданының ПІБ жанындағы полиция бөлімінің қызметкерлері жүргізеді. Мән-жай анықталып, кінәлілерге Қазақстан заңнамасына сәйкес шаралар қабылданады",-дейді Алматы қаласы полиция департаментінің баспасөз қызметі.
Elmedia редакциясының журналистері бұл қасақана ойластырылған, бізге кедергі жасау үшін жасалған деп отыр.
"Бұл жай ғана бұзақылық емес, баланың еркелігі емес, журналистерге агрессивті ескерту екені түсінікті. Демек, біз дұрыс жолда келе жатырмыз. Тек келесі жолы мұндай "сәлемнің" кімнен екенін ескертуді сұраймыз. Өйткені, біздің редакцияға көз алартатындар аз емес. Текке өзгені кінәлап, кісінің обалына қалмайық", – дейді Elmedia қызметкерлері.