АЛМАТЫ, 12 қазан – Sputnik. Жас шахматшы Сауат Нұрғалиев 1-11 қазан аралығында Әзербайжанда өткен 16 жасқа дейінгі жасөспірімдер арасындағы Дүниежүзілік шахмат олимпиадасында жекелей сында алтын медаль жеңіп алды, деп хабарлайды мәдениет және спорт министрлігі.
"Соңғы айналымға дейін медаль үшін күрестік. Ең бастысы, жігіттер өте жоғары дайындық пен жақсы ойын көрсетті. Қола жүлдені Иманғали Ақылбай, алтынды Сауат Нұрғалиев иеленді", - дейді команда капитаны Павел Коцур.
Қазақстандық жасөспірімдер 12 және 14 жастағы спортшылармен ойнаған.