АСТАНА, 10 қазан – Sputnik. Алматы облысында республикалық маңызы бар "Кеген-Нарынқол" автожолында қар тазалау жұмыстары жүріп жатыр.
10 қазан күні "Кеген-Нарынқол" республикалық маңызы бар күре жол аумағында қар жауды.
"ҚазАвтоЖол" компаниясының жол қызметтері учаскені тазарту бойынша жедел шаралар қабылдады. Қар тазалау жұмыстарына 3 бірлік арнайы техника мен 5 адам жұмылдырылды", - делінген "ҚазАвтоЖол" хабарламасында.
Қозғалысқа шектеу енгізілген жоқ, жолда қауіпсіздік қамтамасыз етілді.