АСТАНА, 25 қыркүйек – Sputnik. Екібастұз қаласында жол апатынан екі адам көз жұмды. Жеті адам түрлі жарақатпен ауруханаға жеткізілді, деп хабарлады Pavlodarnews.kz.
Облыстық полиция департаментінің мәліметінше, жол апаты 24 қыркүйек күні сағат 19:30 шамасында болған.
"Фольцваген Пассат" автокөлігінің жүргізушісі Екібастұз қаласындағы "Стелла-Қала" автожолымен жүріп келе жатып, жол қозғалысы қауіпсіздігін сақтамай, қарсы жолға шығып, "Форд Транзит" шағын автобусымен соқтығысқан", - деді Екібастұз қалалық ПБ патрульдік полиция ротасының командирі Азамат Күркебаев.
Полицейлердің хабарлауынша, жол апаты салдарынан "Фольцваген Пассат" көлігінің 2001 жылы туған жүргізушісі мен 2005 жылы туған жолаушысы көз жұмған.
Жеті адам, оның ішінде кәмелетке толмаған екі адам түрлі жарақатпен ауруханаға жеткізілген. Барлығы "Форд Транзит" автокөлігінде отырған. Аталған факті бойынша тексеріс жүргізіліп жатыр.
Жеті адам, оның ішінде кәмелетке толмаған екі адам түрлі жарақатпен ауруханаға жеткізілген. Барлығы "Форд Транзит" автокөлігінде отырған. Аталған факті бойынша тексеріс жүргізіліп жатыр.