АСТАНА, 23 қыркүйек - Sputnik. 24-26 қыркүйек аралығында елдің басым бөлігінде жаңбыр жауып, күн суытады.
Солтүстік-батыс циклоны батыс облыстарға әсер етіп, одан кейін шығысқа, республиканың қалған бөлігіне ауысады.
25 қыркүйекте батыста, 26 қыркүйекте солтүстік-батыста және солтүстікте қатты жаңбыр жауып, найзағай ойнап, бұршақ жаууы мүмкін.
Келесі аптаның басында Солтүстік Қазақстан облысында жауын-шашын болады, жаңбыр қарға ұласады.
Оңтүстік-шығыста тек таулы және тау бөктеріндегі аймақтарда ғана найзағай ойнап, өткінші жаңбыр жауады.
Ауа температурасы төмендейді:
батыста күндіз 22-33-тен 9-22-ге дейін жылы болады
солтүстік-батыста – 25-32-ден 10-23 градусқа дейін
солтүстікте - 23-30-дан 5-20 градусқа дейін
орталығында - 22-32-ден 20-28-ге дейін
Қызылорда облысында – 30-35-тен 17-25-ке дейін
оңтүстік-шығыста - 25-35 градус жылы.