АСТАНА, 20 қыркүйек – Sputnik. 19 қыркүйек күні сағат 19:30-да Ақтоғай ауданында Алматы-Екатеринбург жолында "МАЗ" жүк көлігі мен "ПАЗ" жолаушылар автобусы соқтығысты.
Салдарынан екі жүргізуші мен автобус жолаушысы алған жарақатынан оқиға орнында көз жұмды. Автобустың тағы бір жолаушысы жедел жәрдем көлігінде көз жұмды, деп хабарлады Polisia.kz.
Жол апаты болған кезде автобуста 11 жолаушы болған.
Тиісті сараптамалар тағайындалды, оның қорытындысы бойынша процессуалдық шешім қабылданады.