НҰР-СҰЛТАН, 13 қыркүйек – Sputnik. Ұжымдық қауіпсіздік шарт ұйымының хатшылығы Баку мен Ереванды туындаған шиеленісті дипломатиялық жолмен реттеуді шақырды, деп хабарлайды Sputnik Қазақстан.
13 қыркүйекке қараған түні Әзербайжан мен Армения шекарасында тағы қарулы қақтығыс басталды. Ауыр әскери техника мен ұшқышсыз аппараттарды қолданылды. Соның салдарынан қайтыс болған және жарақат алған адамдар бар.
"Күш қолданғанды қолдамаймыз. Келіспеушілікті реттеу үшін тек саяси-дипломатиялық әдістер, сондай-ақ, Әзербайжан, Армения мен Ресей көшбасшыларының 2020 жылғы 9 қарашадағы, 2021 жылдың 11 қаңтар мен 26 қарашадағы мәлімдемелерінде бекітілген келісімдер ғана қолданылуы қажет", - делінген ҰҚШҰ-ның ресми мәлімдемесінде.
Хатшылық Ресейдің 13 қыркүйекте 9:00-ден бастап атысты тоқтату саласындағы делдалдық еңбегін де жоғары бағалады.
"Армян тарапының ҰҚШҰ Ұжымдық қауіпсіздік кеңесіне көмек беру туралы үндеуіне байланысты ұйым хатшылығы ҰҚШҰ бірлескен штабымен бірге жағдайды реттеу үшін ҰҚШҰ-ның барлық тетіктерін пайдалану бойынша жұмыс ұйымдастырылды", - делінген мәлімдемеде.
ҰҚШҰ хатшылығы қайтыс болған адамдардың отбасыларына қайғырып көңіл айтып, жарақат алғандардың тезірек сауығып кетуіне тілетестік білдірді.