НҰР-СҰЛТАН, 10 қыркүйек – Sputnik. Нұр-Сұлтандағы "Москва" бизнес орталығында "Достоевский өз кейіпкерлерінің ортасында" атты экспозиция ашылды. Онда Ресейдің бірнеше әдеби музейіндегі топтамалардан алынған материалдар қойылған.
Нұр-Сұлтанда "Достоевский өз кейіпкерлерінің ортасында" атты көрме ашылды
© Sputnik / Владислав Воднев
Нұр-Сұлтанда ашылған "Достоевский өз кейіпкерлерінің ортасында" экспозициясының негізін Владимир Даль атындағы орыс әдебиеті тарихының мемлекеттік музейі мен Достоевский әдеби-мемориалдық музейінің қорында сақталған көркемсурет пен сызбалар құрады.
Нұр-Сұлтанда "Достоевский өз кейіпкерлерінің ортасында" атты көрме ашылды
© Sputnik / Владислав Воднев
Көрмеде жазушы қолжазбалары, Достоевскийдің дәптерлері, сондай-ақ оның шығармаларының алғашқы басылымдары көрермен назарына ұсынылған.
Нұр-Сұлтанда "Достоевский өз кейіпкерлерінің ортасында" атты көрме ашылды
© Sputnik / Владислав Воднев
Көрмеге келушілерге Ресейде ғана емес, бүкіл әлемге танымал діни-философиялық романдардың бірі – "Ағайынды Карамазовтар" романының қалай дүниеге келгенін, Ресей мемлекеттік кітапханасының қолжазба бөлімінде сақталған туындыны жазуға дайындық материалдарын тамашалау мүмкіндігі бұйырды.
Нұр-Сұлтанда "Достоевский өз кейіпкерлерінің ортасында" атты көрме ашылды
© Sputnik / Владислав Воднев
Көрменің ашылуына Владимир Даль атындағы мемлекеттік орыс әдебиеті тарихы музейі директорының орынбасары Павел Фокин, Федор Достоевский атындағы Омбы мемлекеттік әдеби музейнің директоры Виктор Вайнерман, Семей қаласындағы Федор Достоевский әдеби-мемориалдық музейінің директоры Ирина Соловьева және Михаил Ломоносов атындағы Мәскеу мемлекеттік университетінің Қазақстандағы филиалының профессоры Татьяна Кривощапова қатысты.