НҰР-СҰЛТАН, 9 қыркүйек – Sputnik. Халықты көмірмен қамтамасыз ету жөніндегі жұмысқа күнделікті мониторинг жүргізілуде, деп хабарлайды индустрия және инфрақұрылымдық даму министрлігінің баспасөз қызметі.
"Күнделікті жергілікті атқарушы органдардың, көмір өндіруші компаниялар мен Қазақстан теміржолы өкілдерінің қатысуымен жиындар өткізіліп, халықты және коммуналдық-тұрмыстық секторды көмірмен қамтамасыз ету бойынша мониторинг жүргізіледі", - делінген хабарламада.
Министрліктің баспасөз қызметі 2022-2023 жылдарға арналған коммуналдық- тұрмыстық сектор мен тұрғындар үшін көмір өнімдерінің қажеттілік жоспарын қалыптастырғанын атап өтті.
"Жоспарға сәйкес көмірді тұтыну көлемі шамамен 9,6 млн тоннаны құрайды. Оның ішінде коммуналдық- тұрмыстық секторға – 2,6 млн. тонна, тұрғындарға – 7 млн тонна. 2022 жылғы 9 қыркүйектегі жағдай бойынша коммуналдық-тұрмыстық сектор мен халық үшін қажеттілік жоспарына қатысты көмір қорымен қамтамасыз ету 71% - ті құрайды", - делінген
Жалпы, бүгінде разрездерде көмір қоры жеткілікті мөлшерде және өндіру жұмыстары жоспарлы түрде жүзеге асырылып жатыр, дейді министрліктегілер. Разрездердегі көмірдің бағасы өткен жылғы деңгейде қалды.
Халықты қажетті деңгейде көмірмен қамтамасыз ету мақсатында министрлікпен "Қазақтеміртранс" вагондар паркін ұлғайту және көрші мемлекеттерге әлеуметтік көмірді автокөлікпен әкетуді шектеу бойынша қосымша шараларлар қарастырылған.