Қазақстандықтар "Жеңіс диктантын" жазды

АЛМАТЫ, 3 қыркүйек – Sputnik. Бүгін Қазақстанда "Жеңіс диктанты" халықаралық білімберу акциясы өтті. Ақтөбе, Алматы, Қарағанды, Петропавл, Степногорск, Талдықорған, Тараз, Теміртау және басқа да бірқатар қалада диктант алаңы құрылды. Нұр-Сұлтандағы акция Орыс үйінде өтті.

"Қазақстанда Жеңіс диктантына деген қызығушылық жылдан-жылға артып келеді. Акцияға қалалар мен алаңдаркөптептартылуда. Диктант тіпті ауданорталықтарында да өтіп жатыр. Қазақстандықтар Ұлы Отан соғысының ардагерлеріне үлкен құрметпен қарайды, ескерткіштер мен мемориалдардысақтауға қамқорлық жасайды, Мәншүк Мәметова, Әлия Молдағұлова, Рақымжан Қошқарбаев, Иван Панфилов сынды батырлардың есімдерін ардақтайды", - деп атап өтті Нұр-Сұлтандағы Орыс үйініңдиректоры Ольга Филонова.

Нұр-Сұлтандағы Орыс үйінің мәдени-ағартушылық жобаларының жетекшісі, Жеңіс диктантының Қазақстандағы ұлттық үйлестірушісі Ольга Скальчук акция алғаш рет осыдан үш жыл бұрын өткенін еске салды.

"Жеңіс диктанты" алғаш рет 2019 жылдың 7 мамырында өтті. Ол кезде диктант Ресейді қосқанда 24 мемлекетте өтті. Оған 9 бен 90 жас аралығындағы 150 мыңнан астам адам қатысты. Осыдан кейін жыл сайын Жеңіс диктантын өткізу туралы шешім қабылданды", - деді Ольга Скальчук.

Акция Қазақстанның көптеген өңіріндегі кітапханаларда, университеттерде, мектептерде, мәдениет ошақтарында, сондай-ақ онлайн форматта өтті. Диктантқа қатысушылар әскери-тарихи тақырыпта 25 тапсырма орындады.

Диктанттың барлық қатысушысына сертификат беріледі. Жеңімпаздар естелік сыйлықтарға ие болады. Сонымен қатар барлық сұраққа дұрыс жауап берген талапкерлер ресейлік жоғары оқу орындарына түсу кезінде қосымша балл алады.