НҰР-СҰЛТАН, 2 қыркүйек – Sputnik. Қазақстандық Мария Бровкова байдарка мен каноэда есуден жасөспірімдер арасындағы әлем чемпионатында алтын медаль жеңіп алды, деп хабарлады Қазақстан Ұлттық Олимпиада комитеті.
Жарыс Венгрияда өтті. Мария Бровкова 1000 метр қашықтықта (жалғыз өзі каноэ) жеңіске жетті.
Марияның мәре уақыты-4: 35.69. Панна Гьер (Венгрия) екінші болды - 4:37.76. Үздік үштікті португалиялық Беатрис Фернандес қорытындылады – 4:38.66.