НҰР-СҰЛТАН, 29 тамыз — Sputnik. Көкшетау полиция басқармасының қызметкерлері мұсылман зиратында жасырылған қару-жарақты тапты.
"Оқиға орнынан "НЦ-12" маркалы тегіс ұңғылы аңшы мылтығы, "Сайга-410" маркалы тегіс ұңғылы мылтық, 36 және 9 калибрлі оқ-дәрі табылды. Тәркіленген мылтық пен патрондар сараптамаға жолданды", - деп жазылған полиция таратқан хабарламада.
Тексеру барысында жасырын қару-жарақтың иесі анықталды – ол Солтүстік Қазақстан облысының 48 жастағы тұрғыны болып шықты. Ол 2015 жылы қаруы жоғалғаны туралы полицияға шағымданған.