НҰР-СҰЛТАН, 25 тамыз – Sputnik. Қазгидрометтің мәліметінше, Қазақстанда ауа райы ала бұлтты болады.
Республиканың солтүстігінде, солтүстік-батысында және оңтүстік-шығысында найзағай ойнап, жаңбыр жауады. Кей жерлерде жел күшейеді, шығыста және солтүстікте түнде және таңертең тұман түседі.
Қызылорда облысында, Түркістан облысының басым бөлігінде, Атырау облысының батысы мен шығысында, Батыс Қазақстан облысының оңтүстігінде, Абай облысының оңтүстігінде өрт шығу қаупі жоғары болады деп болжанып отыр.
Күндіз Атырау облысының басым бөлігінде қатты ыстық болады.
Ірі қалалардағы ауа райы
Нұр-Сұлтанда көшпелі бұлт шығады, жауын-шашынсыз. Солтүстік-батыстан 7-12 м/с жылдамдықпен жел соғады. Ауа температурасы түнде 8-10, күндіз 25-27 жылы.
Алматыда көшпелі бұлт шығады, кей жерлерде жаңбыр жауады, найзағай ойнайды. Жел – 2-7 м/с. Ауа температурасы түнде 14-16, күндіз 25-27 жылы.
Шымкентте көшпелі бұлт шығады, жауын-шашынсыз. Солтүстік-шығыстан 8-13 м/с жел соғады. Ауа температурасы түнде 14-16, күндіз 30-32 жылы.