НҰР-СҰЛТАН, 22 тамыз – Sputnik. Ұлттық қауіпсіздік комитеті Қазақстан және жақын шетел азаматтарынан құрылған трансұлттық қылмыстық топты жойды.
"Олар 2019-2021 жылдары Ақмола облысының аумағында өкілетті органның арнайы рұқсатынсыз 233 мың тоннадан аса пайдалы қазбаны қазып шығарып, өңдеп және өткізіп отырған", - делінген ҰҚК баспасөз қызметі таратқан хабарламада.
Қылмыстық топтың заңсыз әрекетінің салдарынан мемлекетке 1,2 миллиард теңгеден астам аса ірі көлемде залал келтірілген. Іс сотқа жолданды.