НҰР-СҰЛТАН, 20 тамыз – Sputnik. Талдықорған маңында "ГАЗель" жүк көлігі мен жеңіл автокөлік соқтығысты. Жол апатынан бес ересек пен үш бала зардап шекті, деп хабарлайды Жетісу облысы полиция департаментінің баспасөз қызметі.
Талдықорған маңындағы апат
© управление полиции Талдыкоргана
Ведомство ақпаратынша, апат 19 тамыз кешке Талдықорған – Үштөбе тас жолында болған. ГАЗель мен Nissan соқтығысты.
"Жол апатынан жеңіл көлікте отырған бес ересек пен үш бала зардап шекті. Барлығы ауруханаға жеткізілді", - деп мәлімдеді полиция департаменті.
Жедел жәрдем көлігі де жол апатына ұшырады
© управление полиции Талдыкоргана
Сондай-ақ көмекке асыққан жедел жәрдем көлігі де апатқа түсті. Ол қарсы беттегі жеңіл иномаркамен соқтығысқан. Зардап шеккендер жоқ, екі көліктің де кузовтарына зақым келді.