НҰР-СҰЛТАН, 15 тамыз – Sputnik. Шығыс Қазақстан облысы Согра кентінде жоғалып кеткен 12 жастағы бала аман-есен табылды, деп хабарлайды өңірлік полиция департаментінің баспасөз қызметі.
"Іздеу шаралары барысында бала ТМК көпірі маңындағы шұңқырдан табылды. Қазір оған медициналық көмек көрсетіліп жатыр, содан кейін ол ата-анасына тапсырылады", - делінген хабарламада.
Бала шұңқырға құлап, сол жерде жатқан. Жасөспірімді полиция лейтенанты Тілек Ерлібеков тапты.
Еске салсақ, жасөспірім 13 тамызға қараған түні үйден шығып, қайтып оралмаған.
Оны іздеуге 500-ден астам адам тартылды. Полицейлер қызметтік иттерді де алып шықты. Ауылда жедел штаб құрылды.
Айта кетері, бала аутизммен ауырады.