НҰР-СҰЛТАН, 10 тамыз – Sputnik. Маңғыстау облысы Бейнеу ауылындағы жанармай құю бекетінде екі ер адам ұйықтап жатқан жігітті тонап кетті. Қылмыс бейнебақылау камерасына түсіп қалған.
Полицияның мәліметінше, оқиға өткен жексенбі, 7 тамыз күні таңғы уақытта болған. Бет-жүзін футболкамен орап алған екі ер адам ұйықтап жатқан адамның қасына келіп, оның қолынан ұстап, ішінде 80 мың теңгесі бар сөмкені ұрлап, қашып кеткен.
Полицейлеркөп ұзамай күдіктілерді ұстады. Қазақстан Қылмыстық кодексінің 191-бабы 2-бөлігі 3-тармағы (Алдын ала сөз байласу арқылы тонау) бойынша қылмыстық іс қозғалды.
Тергеу мүддесіне байланысты басқа мәліметтер жарияланбайды.
Күдіктілерге үш жылдан жеті жылға дейін бас бостандығын шектеу немесе бас бостандығынан айыру жазасы қолданылуы мүмкін.