НҰР-СҰЛТАН, 3 тамыз - Sputnik. Қазгидромет алдағы үш күнге ауа райы болжамын дайындады.
Синоптиктердің болжамынша, атмосфералық фронталды бөлімдер біртіндеп оңтүстікке қарай жылжып, орталықта, шығыста және елдің оңтүстік жартысында жауын-шашын болады.
Таулы аймақтарға жақындаған кезде фронттар одан да күшейе бастайды. Сондықтан бұл аудандарда қатты жаңбыр болады. Күн күркіреп, бұршақ жаууы мүмкін, кей жерлерде қатты жел соғады.
Солтүстік антициклон жотасы республиканың солтүстік жартысында болады. Сондықтан алдағы тәуліктерде солтүстік өңірлерде ауа райы құрғақ және шуақты.
Аймақтар бойынша:
батыста +28+34°С;
оңтүстік-батыста +30 + 38 градус;
солтүстік-батыста +25 +33°С;
Солтүстік пен шығыста +22 +28 жылы;
орталықта +20 +25;
елдің оңтүстігінде және оңтүстік-шығысында +28 +35°С шегінде;
тауларға жақын +22 °С.