НҰР-СҰЛТАН, 22 шілде – Sputnik. Ақмола облысының Бестөбе алтын өндіру шахтасында ер адамның мәйіті табылды, деп хабарлады "Алтыналмас" компаниясы.
Болжам бойынша ер адам заңсыз алтын іздеуші болуы мүмкін.
Мәйіт жарылғыш заттарды тасымалдауға арналған вагонының жанынан табылған.
Мәйіттің кім екені анықталды. Ол Бестөбе елді мекенінің тұрғыны болып шықты. Ол шахтада жұмыс істемеген.
Бестөбе алтын өндіру шахтасы бір жылдан бері жұмысын тоқтатқан. Компания хабарлауынша, шахтаның төменгі бөлігін жерасты сулары басқан.