НҰР-СҰЛТАН, 13 шілде – Sputnik. Донецк Халық Республикасында шетелдік жалдамалы әскерилердің шағымын сот қанағаттандырмаса, онда оларға қатысты өлім жазасы орындалады, деп хабарлады республика басшысы Денис Пушилин. Бұл туралы РИА Новости хабарлады.
"Барлық шетелдіктер апелляциялық шағым түсірді, сот отырысын күтіп отырмыз. Егер сот тиісті жаза шарасын белгілесе, онда бұл істер үкімді орындау үшін атқарушылық қызметке беріледі. Үкім ату жазасы ретінде қарастырылған", - деді Пушилин "Соловьев. Live" арнасының эфирінде.
Донецкте 9 маусымда Мариупольде тұтқынға түскен үш шетелдік жауынгер – екі британдық Шон Пиннер мен Эйден Аслин, сондай-ақ Марокко азаматы Саадун Брагим өлім жазасына кесілді. Үшеуі де Украинаның Донецк Халық Республикасындағы билікті басып алуға бағытталған қарулы агрессиясына қатысу бойынша кінәсін мойындады.