Ресейдің Украинадағы арнайы әскери операциясы

Ресей әскерилері ЛХР аумағын толығымен бақылауға алды

Sputnik
НҰР-СҰЛТАН, 3 шілде – Sputnik. Ресей қорғаныс министрі Сергей Шойгу Ресей президенті Владимир Путинге Луганск Халық Республикасының аумағын ресейлік әскерилердің бақылауына өтуі туралы баяндады, деп хабарлайды РИА Новости РФ қорғаныс министрлігіне сілтеме жасап.
"Бүгін, 2022 жылғы 3 шілдеде Ресей Федерациясының қорғаныс министрі, армия генералы С.К.Шойгу Ресей Федерациясы Қарулы күштерінің жоғарғы қолбасшысы В.В.Путинге Луганск Халық Республикасын азат етілгені туралы баяндады", - деп жазылған хабарламада.
Бұған дейін хабарлағандай, ресейлік әскерилер Луганск Халық Республикасы Халық милициясының бөлімшелерімен бірлесіп Лисичанск қаласы мен жақын маңдағы елді мекендерді, соның ішінде Белогоровка, Новодружеск, Малорязанцево және Белая Гораны бақылауға алды.
Соңғы тәулікте бақылауға алынған аумақтардың жалпы ауданы 182 шаршы километрді құрады.