НҰР-СҰЛТАН, 1 шілде – Sputnik. Қалыптасқан дәстүрге сәйкес, интернет қолданушылары 2022 жылғы Стенин атындағы байқаудың қысқа тізіміне енгендердің ішінен ең үздік деген жұмысты анықтай алады.
Дауыс беру 23 шілде сағат 23:59-ға (Мәскеу уақыты бойынша) дейін ашық. Онлайн-дауыс берудің жеңімпазы тамыз айының басында белгілі болады. Ал интернеттегі ең танымал фотосуреттің авторы байқау дипломын иеленеді. Гран-при иегері сияқты қысқа тізімге енген номинанттардың жүлделі орындарды байқаудың ұйымдастыру комитеті қыркүйек айында сайтта жариялайды.
Сондай-ақ байқау жыл соңына дейін әлем қалалары бойынша жеңімпаздардың дәстүрлі роуд-шоуын бастауды жоспарлап отыр.
Конкурс жайлы: Ресейдің ЮНЕСКО істері жөніндегі комиссиясының қолдауымен "Россия сегодня" медиа тобы ұйымдастырған Андрей Стенин атындағы халықаралық фотожурналистика байқауы жас фотографтарды қолдауға және заманауи фотожурналистиканың міндеттеріне қоғамның назарын аударуға бағытталған. Бұл – талантты, сезімтал және барлық жаңалықтарға ашық, жанымыздағы адамдар мен оқиғаларға назар аударатын жас фотографтарға арналған алаң.
Байқаудың халықаралық ақпарат серіктестері: Sputnik ақпарат агенттігі және радиосы, RT телеарнасы және порталы, Askanews ақпарат агенттігі, Independent Media медиахолдингі, Telam ақпарат агенттігі, ANA, Shanghai United Media Group (SUMG) жаңалықтар агенттігі, China Daily газетінің интернет-порталы, The Paper интернет-порталы, Al Mayadeen медиа желісі, этникалық сурет фестивалі.