НҰР-СҰЛТАН, 30 маусым – Sputnik. Атырау қаласында із-түссіз жоғалған 6-сынып оқушысы табылды, деп хабарлайды Sputnik Қазақстан.
"2010 жылы туған жасөспірім үйінен 27 маусым сағат 19:00-де үйінен белгісіз бағытқа шығып кеткен. Ата-анасы 28 маусым күні сағат 15:00-де полицияға хабар берген. Жоғалған қыз 29 маусымда 18:00-де табылды", - дейді полицейлер.
Жасөспірім құрбыларының үйінде болғанын айтқан. Бірақ ата-анасына ескертпеген.
Еске салсақ, Атырауда 27 маусымда үйінен шығып кеткен қыз табылмай жатқаны хабарланған болатын. Әлеуметтік желіде оның көшеде кетіп бара жатқан видеосы да тарады.