НҰР-СҰЛТАН, 26 маусым — Sputnik. Қостанай облысының полиция департаментінде күйік шалған үй-күйі жоқ кезде адамға қатысты оқиға бойынша пікір білдірді.
Полиция департаменті баспасөз қызметінің ақпараты бойынша, 3 мамырда полиция автопатрулі ер адамды күйік шалу белгілерімен ауруханаға жеткізген. Ол медициналық мекемеде 5 мамырға дейін ем алған. Ауруханадан шығарылғаннан кейін оған амбулаториялық ем тағайындалған.
"Ер адам өзінің ұқыпсыздығынан күйіп қалғанын айтып, ешкімге шағымы жоқ екенін мәлімдеген. Бірақ полиция бұл факті бойынша тексеру жүргізіп жатыр. Қазір осы мәселені шешуге әлеуметтік қызметкерлер мен медицина мамандары жұмылдырылды", - деп хабарлады полициядағылар.
Еске салсақ, Қостанай тұрғыны иесіз қалған үйде ер адамның жанұшыра айқайлаған видеосымен бөліскен.
Баспананы үй-күйі жоқ адамдар паналайды. Олардың бірін күйік шалып, ол қиналғанынан қатты айқайлап, жақын маңдағы үйлердегі тұрғындардың үрейін алып отыр. Әсіресе, жан айқай түнгі уақытта өрши түседі. Жанашыр адамдар жедел жәрдем шақырғанымен, олар ауырсынуды басатын дәрі егіп, басқа еш шара қабылдамай кетіп қалады.