НҰР-СҰЛТАН, 23 маусым – Sputnik. Херсон облысында үш жаңа ұялы байланыс операторы іске қосылды,. Бұл туралы РИА Новости агенттігіне өңірдегі әскери-азаматтық әкімшілік басшысының орынбасары Кирилл Стремоусов хабарлады.
Оның айтуынша, қазіргі уақытта облыстағы 470 ұялы байланыс мұнарасының басым бөлігі қалпына келтірілген.
"Байланысты қалпына келтіру және оның сапасын арттыру жұмыстары жалғасып жатыр", - деді әкімшілік басшысының орынбасары.
Арнайы операция барысында Ресей әскерилері Украинаның оңтүстігіндегі Херсон облысы мен Запорожье облысының Азов теңізінің маңындағы бөлігін бақылауға алды.
Өңірлерде әскери-азаматтық әкімшіліктер құрылып, рубль айналымға енгізілді, ресейлік телеарналар мен радиостанциялар хабар тарата бастады.
Аймақтар Ресей субъектісіне айналу жоспары туралы жариялады.