НҰР-СҰЛТАН, 15 маусым – Sputnik. Ресей төлқұжатын алғысы келетін Херсон облысы тұрғындарының саны күн сайын артып келеді, деп хабарлады РИА Новостиге аймақтың әскери-азаматтық әкімшілігі басшысының орынбасары Кирилл Стремоусов.
"Дүрлігу көп. Ресей Федерациясының азаматтығын алғысы келетіндер саны артып жатыр. Бүгінде Херсон облысының тұрғындары Ресей қорғай алады, Ресей асырай алады және қамтамасыз ете алады деген сеніммен Ресей азаматтығын алуға құжат тапсыруға жаппай кезекте тұр", - деді Кирилл Стремоусов.
Оның айтуынша, төлқұжат күн сайын беріліп жатыр. Бірақ кезек көбейіп барады. Сондықтан өңір билігі құжаттарды қабылдайтын әкімшілік орталықтардың санын көбейтті.
Еске салсақ, арнайы операция барысында ресейлік әскерилер Херсон облысы мен Запорожье облысының Азов маңы бөлігін бақылауға алды.
Өңірлерде әскери-азаматтық әкімшіліктер құрылып, ресейлік телеарналар мен радиостанциялар хабар тарата бастады, Қырыммен сауда байланысы қалпына келтіріліп жатыр.
Облыс тұрғындары 11 маусымда ресейлік төлқұжат алды