НҰР-СҰЛТАН, 12 маусым – Sputnik. 5546 әскери бөлімінің сарбаздары Атыраудағы балалар мүгедектер үйі мен Атырау облыстық жетім балаларды оңалту орталығында болды, деп хабарлады Ұлттық ұланның баспасөз қызметі.
Тәртіп сақшылары балалармен отансүйгіштік туралы әңгімелеп, түрлі сайыстар мен ойындар өткізіп, жасөспірімдерге ойыншықтар мен тәтті сыйлықтар тарту етті. Ұлттық ұландықтардың көркемөнерпаздарының дайындаған концерттік бағдарламасы қызықты әрі көтеріңкі болды. Кішкентай көрермендер мұқият тыңдап, кейде тіпті сарбаздармен бірге ән айтты, ал кейбіреулері концерттен кейін гитара тартып бақтарын сынады.
"Әрбір бала өзін бақытты болуға тиіс, махаббат пен қамқорлыққа бөленуі керек. Әрқайсымыз аз да болса мейірімді болып, балалармен жылы лебізімізді бөліссек, әлем жақсарады.Сондықтан әрдайым ата-анасыз қалған балаларды тәрбиелеу мен дамытуға өз үлесімізді қосуға тырысамыз", - дейді 5546 әскери бөлімі командирінің тәрбие және әлеуметтік-құқықтық жұмыстар жөніндегі орынбасары, подполковник Байрам Әлиев.