НҰР-СҰЛТАН, 12 маусым – Sputnik. Ақтауда дұрыс суарылмағандықтан ағаштар кеуіп жатыр.
Жергілікті Lada.kz порталаның хабарлауынша, ыстық және құрғақ климаты бар қала үшін қалалық жасыл кеңістікті суару мәселесі қашан да өзекті. Биыл Ақтау тұрғындары ағаштардың кеуіп, тиісті күтімсіз қалғанына тағы да шағымданды.
"Биыл ағаштарды суару туралы ешкім ойлап та жүрген жоқ. Осы уақытқа дейін бірде-бір суару көлігі келгенін байқамадық. Маусымның басынан бастап ағаштар тек шланг арқылы және үйлердің алдында өсіп тұрғандары ғана суарылды. Ал көшеттері бар үлкен аумақ суарылмады", – деп шағымданды ақтаулықтар.
Ақтауда ағаштар суарылмай кеуіп жатыр
Сондай-ақ қала тұрғындары ағаштарды суаруға қатысты мәселені айтып, қоңырау шалуға болатын қызмет жоқ екенін жеткізді. Бұрын қалалық әкімдік жариялаған жедел желінің телефон нөмірі өшіп тұрады.
Суарудан бөлек, қабық қоңыздарымен күресу де жүргізілмейді. 12-шағын аудандағы қарағаштардың басым бөлігі жәндіктерден қатты зардап шеккен.
Қала әкімдігі Ақтауда ағаштарды суару мен көгалдандыруға биыл 748 миллион теңге бөлінгенін хабарлады.