Падар аралы Индонезиядағы Комодо ұлттық саябағының құрамына кіреді. Бұл саябақ 2011 жылдың 11 қарашасында "үш он бір" күні жарияланған табиғаттың жеті жаңа кереметінің біріне айналды
Комодо ұлттық саябағының аралдары айдаһар деп те аталатын алып әрі көзі жойылып бара жатқан келестермен танымал. Алайда, бұл бауырымен жорғалаушылар аралдың өзінде жоқтың қасы. Есесіне ақ және қызғылт құмды жағажайлар бар
Бұл Бразилия мен Аргентина арқылы өтетін Игуасу өзеніндегі 275 сарқыраманың ең үлкені. Оның аты "Шайтанның көмейі" деп те атайды. Ол ені 150 метр, ұзындығы 700 метр болатын U-тәрізді кең жарқабақ. Бұл сарқырама Бразилия мен Аргентина арасындағы шекараны білдіреді.
Игуасу сарқырамасы ЮНЕСКО-ның Бүкіләлемдік мұра тізіміне енген екі елдің аттас ұлттық саябақтарының аумағында орналасқан
Прибайкальский ұлттық саябағы: саябақтың тар жолақ түріндегі аумағы Байкал көлінің батыс жағалауының көп бөлігін (шамамен 470 километр) - оңтүстіктегі Култук ауылынан солтүстіктегі Кочериковский мүйісіне дейінгі аумақты алып жатыр. Ол Приморск жотасының шығыс беткейлерін, Ольхин үстіртінің оңтүстік бөлігін, Большая Речка (Ангара өзеніне құяды) өзеннің бассейнін, сондай-ақ Ольхон аралын қамтып жатыр. Саябақтың оңтүстік бөлігін Иркутск облысындағы Байкал көлінен ағып жатқан Ангара бөліп тұр
Үлкен каньон ЮНЕСКО-ның Бүкіләлемдік мұра тізіміне енгенімен, 2011 жылы табиғаттың жаңа кереметінде дауыс беруде ғана финалға шыққанын білесіз бе? Оның аумағында ежелгі үндістердің таңғажайып үңгір қалалары орналасқан. Оны навахо Ancestral Puebloan деп атады
Вьетнамдағы Халонг шығанағы – әлемнің жаңа жеті кереметінің бірі, ЮНЕСКО-ның дүниежүзілік мұрасы тізіміне енген
#/media/%D0%A4%D0%B0%D0%B9%D0%BB:Asia_Cruise_Junk_in_Halong_bay.JPG){kind=link}
Туристер Мутновский жанартауы беткейлерінің біріндегі "шағын гейзерлер алқабын" тамашалап тұр.
Ғалымдар бұл атауды дұрыс емес деп санайды - бұл жерде кейде "шағын гейзерлер алқабы" деп аталатын ыстық бұлақтар атқылайды. Шын мәнінде, ыстық газдары суық ағынның суы арқылы өтетін бұл белсенді фумарол өрісі сол суды қыздырады және кей жағдайда фонтан туындауына әкеп соғады. Осыған байланысты жоғарыда аталған ату пайда болған. Бұл аймақта шынайы гейзер жоқ
Оңтүстік Кореядағы Чунмун Cэкдаль жағажайы
Жағажай өзінің түрлі-түсті реңк беретін ұсақ және жұмсақ құмымен танымал. Жағажай түсінің біркелкі еместігіне байланысты оны Чинмосаль (түрлі-түсті жағажай) деп те атайды. Көлемі ерекше ұзын (560 метр) бұл жағажайдың орташа тереңдігі 1,2 метрді құрайды. Жағажайдағы ақ құм түрлі-түсті, қара, қызыл, сұр құм түйіршіктерімен араласқан. Жағажай табиғаттың жаңа кереметтерінің біріне айналған Чеджу аралында орналасқан
.jpeg){kind=link}
Маньпупунер үстіртіндегі жел қаққан бағаналар, Коми Республикасы, Ресей.
Бұл эрозияның тағы бір геологиялық ескерткіші: мыңдаған жыл бұрын бұл бағаналар алып таулардың өзегі болған. бірақ жел мен су оларды жер бетінен жойып тастап, мына таңқаларлық жартас құрылымдарын ғана қалдырған
Квинслендтің орталық жағалауындағы Уитсанди аралдарының жағалауында орналасқан үлкен тосқауыл рифі. Үлкен тосқауыл рифіндегі теңіз саябағы ЮНЕСКО-ның Бүкіләлемдік мұра тізіміне енгізілген табиғат кереметтерінің шамамен 99 процентін қамтиды
Бұл өзеннің ұзындығы сегіз шақырымнан сәл ғана асатынына қарамастан, ол әлемдегі ең үлкен болып саналады. Себебі бұл өзен жер астымен ағады.
Суретте: Филиппиннің Палаван аралындағы Пуэрто-Принсеса жерасты өзеніне кіретін жартас. Бұл жер асты өзені табиғаттың жеті жаңа кереметінің біріне айналды
Помпеи қаласын жер бетінен жойып жіберрген Везувий жанартауы бүгінгі күні де белсенді болып тұр. Ол Италиядағы үш белсенді жанартаудың бірі және Еуропадағы ең қауіпті жанартау болып саналады. Ол Неаполь маңында орналасқан. Везувий табиғаттың жаңа кереметін таңдауға дауыс беруде финалист болды
.jpg){kind=link}
Табиғаттың бұл кереметі - Амазонка мен оның ормандары Бразилиядан Суринамға дейінгі Оңтүстік Американың тоғыз штатына тиесілі. Кейбір ғалымдардың пайымдауынша, әлемдегі ең үлкен өзеннің жаңбырлы ормандары көп жыл бойы атмосфераны оттегімен қанықтыратын ғаламшардың "өкпесі" қызметін атқарған. Қазір бұл ормандарға үлкен қауіп төніп тұр. Себебі адам іс-қимылы Амазонка джунглиін тоқыратып жатыр
Хорватиядағы "Плитвицк көлдері" ұлттық саябағының аумағы 29 482 гектарды құрайды. Оған 16 үлкен және бірнеше кіші карстты көл, 140 сарқырама, 20 үңгір және ежелгі дәуірден сақталған және өздігінен қалпына келе алатын ерекше шамшатты және қылқан жапырақты орман кіреді. Оның аумағында аюлар, қасқырлар, сирек кездесетін құстардың көптеген түрі және басқа да жануарлар мекендейді
Өлі теңіздегі судың тығыздығы соншалық, адам су бетінде оңай қалқып жата алады
"Алтынемел" ұлттық саябағында орналасқан әйгілі "сайрауық шағыл" табиғат кереметтерін таңдау бойынша дауыс беруге қатысқан Қазақстанның жалғыз "өкілі" болып шықты
Дегенмен, Қазақстанда табиғат кереметі аз емес. Мысалы, Қайыңды көлі алқапты су басқаннан кейін сол аумақта болған орманның жойылмай, қайталанбас ландшафт түзуімен қызықты. Бұл көлге туристер ғана емес, сонымен қатар әуесқой сүңгуірлер де жиі келеді
Шарын шатқалындағы "Қамалдар алқабы" бірнеше мыңжылдық бойы өзгеріссіз қалыпта тұр
Оны "Қазақстан Швейцариясы" деп атайды. Бурабайдың климаты альпілік климатқа ұқсайды. Ал алып таулар аймағындағы тұщы және тұзды суы бар көлдер қазақстандықтардың сүйікті демалыс орнына айналған