Өңірлер

Семейде есірткінің аса ірі партиясы тәркіленді – видео

Күдікті үш жылдан жеті жылға дейінгі мерзімге бас бостандығынан айыру жазасына кесілуі мүмкін
Sputnik
НҰР-СҰЛТАН, 7 маусым – Sputnik. Семейде үйінде 25 келіден астам марихуана сақтаған 38 жастағы қала тұрғыны ұсталды, деп хабарлайды Sputnik Қазақстан облыстық полиция департаментіне сілтеме жасап.
Күдікті есірткінің аса ірі партиясын 335 полиэтилен пакетке салып шыққан. Соның бәрін жастарға сату үшін дайындаған. Тұрғын қылмыс үстінде ұсталды.
Қазіргі кезде Қылмыстық кодекстің 296-бабы 4-бөлігі ("Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау") бойынша сотқа дейінгі тергеу шаралары басталған.
Күдікті қамауға алынды. Ол үш жылдан жеті жылға дейінгі мерзімге бас бостандығынан айыру жазасына кесілуі мүмкін.
Шығыс Қазақстан облыстық полицияның мәліметіне сәйкес, есірткі қылмысына қарсы іс-қимылды күшейтуге бағытталған "Қарасора" жедел алдын алу іс-шарасы жалғасып жатыр.
"Құрбанның рөлін ойнайды" Нарколог жастардың неге есірткіге салынатынын айтты