НҰР-СҰЛТАН, 1 маусым – Sputnik. Биыл өңірлерде мектептер жаңа автобустармен толығады. Бұл туралы білім және ғылым министрінің орынбасары Шолпан Қаринова мәлімдеді, деп хабарлайды Sputnik Қазақстан тілшісі.
Оның айтуынша, қазір әкімдіктер мектеп автобустарын сатып алып жатыр.
"Биыл алғаш рет 25 мыңнан аса баланы қауіпсіз тасымалдау үшін мектеп автобустары автопаркі ауқымды түрде жаңартылады. Әкімдіктер 515 мектеп автобусын лизингпен сатып алуда", - деді Қаринова үкімет отырысында.
Алғашқы автобустар маусым айында Ақмола облысына жеткізіледі деп жоспарланған.
Сонымен қатар вице-министр балалар жылы оқушыларды тегін тамақтандыру көрсеткіші артқанын атап өтті.
"Балалар жылы бастауыш сынып оқушыларын тегін ыстық тамақпен қамту 10%-ке өсті. Бұл ретте Шымкент қаласы мен Қарағанды облысының жұмысын ерекше атап өтуге болады", -деді ол.