НҰР-СҰЛТАН, 1 маусым – Sputnik. Ақтауда сейсенбі, 31 мамыр кешке "МАЭК-КазАтомПром" ЖШС жылу электр орталығы аумағынан өрт шықты, деп хабарлайды облыстың төтенше жағдайлар департаментінің баспасөз қызметі.
Оқиға туралы ақпарат 21.42-де келіп түскен. Ашық тарату құрылғысы өртке оранған.
Өрт аумағы шамамен 600 шаршы метрді құрады.
"Өңірді энергия ресурстары су және электр энергиясымен қамтамасыз етуге өрт әсер етпейді. Кәсіпорын штаттық режимде жұмыс істеп тұр", - деп атап өтті төтенше жағдайлар департаментінің баспасөз қызметі.
Өртті сөндіруге төтенше жағдайлар департаментінің 15 қызметкері мен алты техникасы, МАЭК-тың төрт қызметкері, бір техникасы және төрт полицей жұмылдырылған.
Өрт сөндірілгені туралы ақпарат әзірге жоқ.