НҰР-СҰЛТАН, 28 мамыр – Sputnik. Қазгидромет биылғы жылғы құрғақшылық туралы алғашқы дабылды ескертуді шығарды.
Болжамға сәйкес Қызылорда облысының Қармақшы және Қазалы аудандарында маусымның бірінші онкүндігінде атмосфералық құрғақшылық болады деп күтіледі.
Бұған дейін Қазгидромет маусым айында республиканың басым бөлігінде құрғақшылықтың туындау ықтималдығы төмен, негізінен ылғалдану жағдайлары нормаға жақын болады деп болжады.