НҰР-СҰЛТАН, 18 мамыр – Sputnik. Нұр-Сұлтанда "Қазақстан темір жолы" компаниясының ғимаратындағы адамдар мина қойылғаны туралы жасырын хабарлама түсуіне байланысты эвакуацияланды. Бұл туралы ҚТЖ-ның БАҚ-пен жұмыс департаментінің директоры Қайсар Жұмабайұлы хабарлады.
Жасырын хабарламаға байланысты ҚТЖ ғимаратынан қызметкерлер эвакуацияланды
© Sputnik / Стрингер
Оның айтуынша, ғимаратқа мина қойылғаны туралы жасырын хабарлама түскен.
"Бұл туралы құзырлы органдарға хабарланды. ҚТЖ қызметкерлері тез арада ғимараттан эвакуацияланды. Қосымша ақпарат алу үшін құзырлы органдарға хабарласуларыңызды сұраймыз", - деп жазды Жұмабайұлы.