НҰР-СҰЛТАН, 8 мамыр – Sputnik. Нұр-Сұлтанда жантүршігерлік жол апатынан бір адам қаза болды, тағы бірнешеуі зардап шекті, деп хабарлайды Sputnik Қазақстан.
Қалалық полиция департаменті баспасөз қызметінің ақпаратынша, оқиға 8 мамырға қараған түні 02:40-та болды.
Toyota Camry Сембинов көшесімен келе жатқан. Кенесары көшесімен қиылыста ол бағдаршамның қызыл түсіне өтіп кетіп, Mercedes-Benz автокөлігімен соқтығысқан.
"Жол апаты салдарынан "Mercedes-Benz" жүргізушісі оқиға орнында көз жұмды. "Toyota Camry" жүргізушісі мен "Mercedes - Benz" жолаушылары түрлі жарақатпен ауруханаға жеткізілді", - делінген хабарламада.
Бұл факті бойынша сотқа дейінгі тергеу басталды.
Елордалық полиция жүргізушілерге жолда мұқият болу және жол ережелерін сақтау қажеттігін ескертті.