Нұр-Сұлтанда қайда серуендеуге болады – фото

Өткен демалыста Нұр-Сұлтанда фонтандар іске қосылды – енді елорданың барлық аумағындағы субұрқақтар қызыл-жасыл шамддардың "ырғағымен" аспанға қарай атылып, жанға жағымды салқын сыйлап тұр.

Елорда әкімі Алтай Көлгіновтың айтуынша, осы жылы әкімдік 200-ден астам қоғамдық кеңістікті абаттандыруды жоспарлап отыр. Олардың қатарында аулалар, саябақтар, көпір астындағы бос аумақтар бар.

Бұған дейін бас қалада 500-ге жуық осындай орынның сәні келтірілген.

Көлгінов жыл сайын қаладағы саябақтар мен жаяу жүргіншілерге арналған түрлі рекреациялық кеңістік арта түсетінін айтты.

Астаналықтар демалыс күндер жиі серуендейтін орындардың қазіргі кейпін суреттер топтамасынан көріңіз.

1 / 12

Фонтан суына салқындауға асыққан балалар жаз маусымының ашылғанына бәрінен қатты қуанғаны байқалады.

2 / 12

Астанадағы Ботаникалық бақтың ішінде де, сыртында да тамашалауға арналған өсімдік атаулы жеткілікті.

3 / 12

Елорданы көгалдандыру бойына жұмыстар енді басталғанына қарамастан, қала тұрғындары жол бойындағы көгалға да сүйсінуде.

4 / 12

Фонтан суының сылдыры балалармен бірге серуен кезінде көңілде ерекше тыныштық орнатады.

5 / 12

Қазақстанның бас қаласындағы ауа райы тым құбылмалы. Сондықтан серуенді жоспарлау кезінде бой жылыту немесе ыстықтан бас сауғалау үшін музейге баруды да қарастырған жөн.

6 / 12

ЭКСПО аумағындағы отбасылық серуенге дайындалар кезде ұзақ қашықтыққа жаяу жүруге тура келетінін ескеру маңызды.

7 / 12

"Ескі" қаланың орталығындағы жағалау астаналықтар жиі серуендейтін орындардың бірі. Оның үстіне, қазір жағалауға жаяу жүргіншілерге арналған променад пен жергілікті "Арбат" іргелес жатыр.

8 / 12

Елордадағы Ботаникалық баққа барған кезде өсімдіктерді ғана тамашалап қоймай, өзен үстінде кемпірқосақ тудыратын фонтанды да көруге болады.

9 / 12

Жас астаналықтар Ботаникалық бақтың газонында денсаулыққа пайдалы түрлі ойын ұйымдастырып жатыр.

10 / 12

Велосипедшілерге арналған арнайы жол бөлігі Ботаникалық бақты қоршай төселген. Бұл жолақ салауатты өмір салтын ұстанатындар үшін велосеруен құруға таптырмас орын.

11 / 12

ЭКСПО-ның алып шары туристер мен қала қонақтары үшін ең тартымды нысанның бірі болып отыр.

12 / 12

"Ескі" орталық пен қала саябағын жалғап тұрған жаяу жүргіншілерге арналған көпірге де қала қонақтары жиі келеді.