АЛМАТЫ, 17 сәуір — Sputnik. Алматыдағы "Алтын Орда" базарына қарама-қарсы жерде қайғылы оқиға болады. Райымбек батыр даңғылы бойында отырған әйелді көлік басып кетті. Әйел көз жұмды, деп хабарлайды Sputnik Қазақстан тілшісі.
Жол талғамайтын көлік пен Subaru Legacy даңғыл бойымен батыс бағытта келе жатқан. Subaru Legacy автокөлігі жүргізушісінің айтуынша, ол жол талғамайтын көліктің базардың қарама-қарсы тұсында шеттегі жолда келе жатып тоқтағанын және авария жарығын қосқанын байқаған. Subaru жол талғамайтын көлікке жеткен кезде бір затты басып кеткенін сезіп, тоқтаған. Жол талғамайтын көлік сол сәтте кетіп қалған. Ал Subaru жүргізушісі көлігінен түсіп, жолдың бойында әйел жатқанын көрген.
"Алтын Орда" базары маңында әйелді көлік қағып кетті
© Sputnik / Стрингер
Жәбірленуші оқиға орнында қаза болды. Марқұмның өзімен бірге құжаттары болмаған.
Subaru жүргізушісі әйелді көрмей, басып кеткен
© Sputnik / Стрингер
Кейінірек жол талғамайтын көліктің жүргізушісі жолдың бойында отырған әйелді байқап, тежегіш басып үлгергені анықталды. Ал Subaru оны көрмей, басып кеткен.