АЛМАТЫ, 13 сәуір – Sputnik. Республикалық бюджеттің игерілуін бақылау жөніндегі есеп комитеті былтыр желтоқсанда Атырау облысына бөлінген бюджет қаражаты мен мемлекет активтерінің жұмсалуына мемлекеттік аудит жүргізді.
Мемлекеттік аудит барысында құрылыс қызметі және денсаулық сақтау саласында бірқатар бұзушылық анықталды.
Осыған байланысты Атырау облысының әкімдігіне анықталған 10 миллиард теңге мөлшеріндегі бұзушылық сомасын орнына қою және өтеу бойынша шаралар қабылдау тапсырылды.
Қазірге дейін 8,6 миллиард теңге қайтарылды, 7,1 миллион теңге өтелді, деп хабарлады есеп комитеті.