НҰР-СҰЛТАН, 11 сәуір — Sputnik. Алматыда жексенбіден дүйсенбіге қараған түні әйелді көлік қағып кетті. Соққы салдарынан ол сол жерде көз жұмды.
Куәгерлердің айтуынша, Wolkswagen Polo Абай даңғылы бойымен келе жатқан. Сол уақытта әйел рұқсат етілмеген жерден жолды кесіп өтпек болған.
Абай даңғылы бойында әйелді көлік қағып кетті
© Sputnik / Стрингер
Жүргізуші соққыны болдырмаудың амалын жасады. Алайда бұл оның қолынан келмеді. Көлік әйелді қағып өтті. Соққы салдарынан әйелдің денесі бірнеше метр жерге ұшып кеткен. Көлік те бірнеше метр жүріп барып тоқтады.
Полиция оқиғаның мән-жайын анықтауда
© Sputnik / Стрингер
Әйел жедел жәрдем келгенше сол жерде көз жұмды. Оның жанында жеке куәлігі болмаған. Әйелдің жеке басы анықталып жатыр.
Жол апатына байланысты тергеу жұмыстары жүргізілуде.