Мың бояулы қала: Алматының көктемгі келбеті – фото

Алматыға көктем келіп, ағаштар бүршік жарып жатыр. Ең алдымен өрік пен шие ағашы гүлдеп, қаланың көркіне сұлулық қосты. Алматы көктемде ерекше әсемденеді. Биыл коронавирус пандемиясына байланысты енгізілген барлық шектеу алынғаны да тұрғындардың көңілін көтергендей.

Қазір қалада өрік, шие, магнолия гүлдеп, айнала жасыл түске боялып жатыр, қала ішінде хош иіс аңқиды.

Қала тұрғындары да көп уақытын далада өткізіп, таза ауада жиі серуендейтін болған. Қыз-келіншектер де жеңіл киініп, сұлулықты еселей түскен.

Sputnik Қазақстан тілшісі қаланың көктемгі келбетін фотоға түсіріп қайтты.

1 / 12

Көктем көркі – гүлдеген ағаштар. Қалада қазір ауа температурасы шамамен +28 градус болып тұр. Бірнеше күннен бері ауа температурасы көтерілді.

2 / 12

Шығармашыл жастар Медеуге көтеріліп, сурет салып жүр. Әсіресе демалыс күнді таза ауада өткізуге тырысатындар көп.

3 / 12

Айнала гүл мен хош иіске толы. Әсіресе бүр жарған магнолия жиі кездеседі.

4 / 12

Мұндай тамаша көріністі суретке түсірмеу мүмкін емес.

5 / 12

Магнолия алыстан көзге түседі, иісі де көктемнің келгенін асыға хабарлап тұр.

6 / 12

Медеуде әлі де қар бар, алайда бұл қыс пен көктемнің бірін-бірі жалғайтынын көрсеткендей.

7 / 12

Өрік ағашы биік өседі. Сол себепті оның қызғылт гүлдері де алыстан көзге түсіп тұр.

8 / 12

Қалада күн жылынып, жылыту кезеңі 5 сәуірде аяқталды. Фотода өрік ағашы бүршік жарып жатыр.

9 / 12

Далада өсіп тұрған майда сары гүлдер де көз қуантады.

10 / 12

Қаланың қысқы суық кейпінен із де қалмаған.

11 / 12

Өрік ағашының гүлі.

12 / 12

Кешкі Алматыда тұрғындар фотоға түсіп жатыр. Кешкісін саябақтар мен гүлзарларда қыдыратын адамның қарасы қалың.