Қоғам

Маңғыстау облысында 22 тонна темекі тәркіленді – видео

Сот шешімімен Қазақстанға заңсыз әкелінген жүк мемлекеттің пайдасына тәркіленді
Sputnik
НҰР-СҰЛТАН, 5 сәуір – Sputnik. Маңғыстау облысында экономикалық контрабандамен айналысқан шетел азаматы ұсталды, деп хабарлайды Sputnik Қазақстан қаржы мониторингі агенттігіне сілтеме жасап.
Ресми мәліметке сәйкес, шетел азаматы жалған транзит жасады. Құжат бойынша 22 тонна темекіні Әзірбайжаннан Ауғанстанға апаруы тиіс еді.
Сөйтіп, Маңғыстау облысындағы "Құрық" портында тауарды тиеп, Жамбыл облысымен өтемін деген. Бірақ Алматы облысына барып, барлық тауарды түсіре салған.
Сол жерде тәртіп сақшыларының қолына түсті.
Сот шешімімен Қазақстанға заңсыз әкелінген жүк мемлекеттің пайдасына тәркіленді.