НҰР-СҰЛТАН, 29 наурыз – Sputnik. Қызылорда облысында қатты жел салдарынан балконның шатыры ұшып, үйдің жанында тұрған көлікті зақымдады.
Қызылода облысында жел салдарынан көлік зақым келді.
Облыстық төтенше жағдайлар департаментінің хабарлауынша, оқиға бүгін, 29 наурызда, сағат 11.40-та болған.
"Қызылорда қаласында Титов кентіндегі Қоғалы көшесіндегі 5 қабатты тұрғын үйдің балконының шатыры жұлынды. Жел салдарынан ұшып кеткен 5-ші қабаттағы пәтер балконы шатырының аумағы 14 шаршы метрді құрайды. Оқиға салдарынан "Chevrolet Nexia" жеңіл автокөлігі зақымданған. Зардап шеккендер мен қаза болғандар жоқ", - делінген хабарламада.
Қызылода қаласында балконның шатыры көліктің үстіне құлап кетті.
Қазгидромет мәліметі бойынша желдің екпіні 20 м/с.
"Қазіргі уақытта облыста ауа райының құбылмалылығына және желдің ұдайы соғуына байланысты, сіздерден көшеде және тұрмыста қауіпсіздік қағидаларын сақтауларыңызды сұраймыз", - деп ескертті департаменттегілер.